Amerlanerit inuusuttunut ilinniarfinni ilinniakkanik aallartitsipput

2016-imi Kalaallit Nunaanni aammalu Kalaallit Nunaata avataani inuusuttunut ilinniarfinni ilinniakkanik aallartitsisut 1.385-iusimapput. Tamanna 2006-imut sanilliullugu malunnartunik amerleriarneruvoq, tassani inuusuttunut ilinniarfinni aallartittut 1.023-ummata. Agguaqatigiissinnerini ilinniarnerit aallartinneqartut sumiiffiini annikitsumik allanngortoqarsimavoq. 2006-imi 94 procentit Kalaallit Nunaanni inuusuttunut ilinniarfinni aallartissimapput, 2016-imili 92 procentiusimallutik.

Titartagaq 2.1. 2006-imit 2016-imut ilinniarnerit aallartinneqartut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11A).

 

Ataani takutinneqarpoq ukiuni 2014-imit 2016-imut Kalaallit Nunaata ilinniarnertuunngorniarfiini sisamaasuni ilinniarnerit aallartinneqartut amerlassusaat. 2014-imi ilinniarnerit 578-iullutik amerlanerpaagallarput 2016-imi 469-inut naleqqiullugit.

 

Titartagaq 2.2 2014-imit 2016-imut Kalaallit Nunaanni ilinniarnertuunngorniarfinni ilinniarnerit aallartinneqartut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E).

 

2014-imiit 2016-imut Kalaallit Nunaanni ilinniarnertuunngorniarluni ilinniarnerit aallartinneqartut ikilisimapput. Qeqqani ilinniarnertuunngorniarfinni ilinniarnerit allartinneqartut ikilinerpaasimapput, Teknikimik Ilinniarfimmi – Sanaartornermik Ilinniarfimmi ilinniarnerit aallartinneqartut ikilinnginnerpaajusimasut.

 

Ataani takutinneqarpoq 2016-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut 803-usut agguataarneri.

Titartagaq 2.3 2016-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut

Nalunaarut: Allani pineqartut tassaapput Imarsiornermik Ilinniarfik – Uummannaq, Isiginnaartitsisartunngorniarfik, Eqqumiitsuliornermik Ilinniarfik aammalu Danmarkimi atuagarsortut.

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E).

 

2016-imi Kalaallit Nunaanni inuussutissarsiornermi ilinniarfinni ilinniarnerit aallartinneqartut Campus Kujallermi ilinniarnerit 115-iullutik amerlanerpaasimapput. Teknikimik Ilinniarfik – Saviminilerinermik Ilinniarfik 114-nik ilinniarnernik aallartittoqarsimapput, Peqqissaanermillu Ilinniarfik 95-inik allartittoqarsimalluni.

 

Inuusuttunut ilinniarfinni amerlanerit naammassipput

2016-imi ilinniarnerit naammassineqartut 825-upput, 2006-imi ilinniarnernut naammassineqartunut 482-inut sanilliullugit marloriaatingajaallutik.

Ilinniarnerit naammassineqartut 825-usut 53 procentii inuussutissarsiornermi ilinniarfinneerput.

 

Titartagaq 2.4. 2006-imit 2016-imut Kalaallit Nunaanni aammalu Kalaallit Nunaata avataani inuusuttunut ilinniarfinni ilinniarnerit naammassineqartut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11D).

 

Ataaniipput 2016-imi inuusuttunut ilinniarfinni ilinniarnerit naammassineqartut nunap kommuniinut sisamanut agguaallugit.

 

Titartagaq 2.5. 2016-imi Kalaallit Nunaanni inuusuttunut ilinniarfinni ilinniarnerit naammassineqartut

Nalunaarut: Ilinniarnerit atuarfinni nalunaarusiaqanngitsut aammalu Danmarkimi atuagarsortut titartakkami ilaatinneqanngillat.

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11H).

 

Kommunit ataasiakkaarlugit isigissagaanni Kommuni Kujallermi aammalu Kommuneqarfik Sermersuumi agguaqatigiissillugu inuussutissarsiornermi ilinniarfinni ilinniarnerit naammassineqartut 52 procentiullutik aammalu 65 procentiullutik annertunerpaapput. Qeqqata Kommuniani aammalu Qaasuitsup Kommuniani agguaqatigiissillugu ilinniarnertuunngorniarfinni ilinniarnerit naammassineqartut 61 procentiullutik aammalu 64 procentiullutik annertunerpaapput.

 

Ataatsimut isigalugu

Piffissami 2012-mit 2016-imut ilinniarnertuunngorniarfinni ilinniarnerit naammassineqartut 1.734-usimapput inuussutissarsiornermilu ilinniarfinni 2.050-iusimallutik.

 

Takussutissaq 2.1. Piffissami 2012-mit 2016-imut Kalaallit Nunaanni inuusuttunut ilinniarfinni ilinniarnerit amerlassusaat, ilinniarfinnut agguaallugit

	2012	2013	2014	2015	2016
Ilinniarnertuunngorniarfiit
Aallartinneqartut ............	485	515	578	515	469
Ingerlatsisut ................	1.233	1.213	1.247	1.229	1.125
Unitsinneqartut .............	248	308	365	362	338
Naammassineqartut ..........	314	333	373	347	367
Inuussutissarsiornermi ilinniarfiit
Aallartinneqartut ............	712	698	726	734	803
Ingerlatsisut ................	1.301	1.217	1.218	1.124	1.186
Unitsinneqartut .............	538	467	461	474	448
Naammassineqartut ..........	401	388	404	442	415

Nalunaarut Naatsorsuutit tamarmik ”ukiup naaneraninngaaneersuupput”. Malugiuk, inuk ataaseq eqimattani arlalinni ilaasinnaammat ukiumi ilinniakkamik aallartitsiffiusumi pineqartumi, assersuutigalugu aallartinneqartuni aammalu ingerlatsisuni. Taamatuttaaq inuk ataaseq aallartinneqartuni unitsinneqartunilu ilaasinnaavoq, pineqartoq ukiup ingerlanerani ilinniakkami ataatsimi arlalinniluunniit taama inissisimasutut allassimappat.

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E, http://bank.stat.gl/UDNISC11F, http://bank.stat.gl/UDNISC11G aammalu http://bank.stat.gl/UDNISC11GH).

 

Tamakkiisumik isigalugu 2012-imiit 2014-imut Kalaallit Nunaanni ilinniarnertuunngorniarfinni ilinniarnerit amerlatsikkiartuinnarsimapput. 2015-imi 2016-imilu ilinniarnertuunngorniarfinni ilinniarnerit ikililaarsimagaluartut 2016-imi naammassisut amerlisimapput.

Ukiuni kingullerni Kalaallit Nunaanni inuussutissarsiornermi ilinniarfinnik unitsitsinerit ilinniarnerillu naammassineqartut ikileriarsimapput, ilinniarnerilli aallartinneqartut aammalu ingerlanneqartut annikitsumik amerleriarsimallutik.